OPNUNARTÍMI SKRIFSTOFU MIÐFLOKKSINS
Skrifstofa Miðflokksins að Hafnarstræti 20 í Reykjavík er opin alla virka daga kl. 9:00 - 12:00 og 13:00 - 17:00.
Sími skrifstofunnar er 555-4007
Alltaf heitt á könnunni, verið velkomin að líta við.
VIÐBURÐIR Á NÆSTUNNI:
OPIÐ HÚS Á FIMMTUDÖGUM Á SKRIFSTOFU MIÐFLOKKSINS
Frá og með fimmtudeginum 29. ágúst verður opið hús á skrifstofu Miðflokksins að Hafnarstræti 20, kl. 16:00 - 18:00.
Kaffi og léttar veitingar verða í boði. Tilkynnt verður sérstaklega ef kjörnir fulltrúar flokksins verða á staðnum. Næsta opna hús verður því fimmtudaginn, 5. september n.k.
Endilega látið sjá ykkur í kaffispjall.
Allir velkomnir!
VÖFFLUKAFFI Í HAFNARFIRÐI
Miðflokksfélag Hafnarfjarðar verður með vikulegt vöfflukaffi á laugardagsmorgnum í haust og vetur.
Nánari upplýsingar um næsta vöfflukaffi mun verða auglýst þegar nær dregur.
Allir velkomnir.
FRÉTTIR AF VIÐBURÐUM LIÐINNAR VIKU:
FUNDUR MIÐFLOKKSINS UM ORKUPAKKA 3 Í GOLFSKÁLA GKG Í GARÐABÆ
Mánudaginn 26. ágúst s.l. stóðu Miðflokksfélögin í Reykjavík og Suðvesturkjördæmi fyrir opnum fundi um Orkupakka 3 í golfskála GKG við Vífilsstaðaveg í Garðabæ. Fullt var út úr dyrum og mættu um 300 manns á fundinn. Ræðumenn voru þau Sigmundur Davíð Gunnlaugsson, formaður Miðflokksins, Vigdís Hauksdóttir, borgarfulltrúi Miðflokksins í Reykjavík, Birgir Örn Stefánsson frá Orkunni okkar og Ingibjörg Sverrisdóttir, ferðaráðgjafi.
Miðflokkurinn þakkar kærlega fyrir sýndan áhuga og þær góðu móttökur sem fundurinn fékk. Stuðningur ykkar hefur verið ómetanlegur í baráttunni við innleiðingu orkupakka 3.
Smellið hér til að sjá myndir frá fundinum í Garðabæ.
MIÐFLOKKSKONUR HITTUST Á GRAND HÓTEL
Í gær, fimmtudaginn 29. ágúst, hittust Miðflokkskonur í spjall og samveru á Grand Hótel í Reykjavík.
Góð stemmning var í hópnum og ljóst er að mikil gróska er í kvennastarfinu innan Miðflokksins,
Fyrirhugað er að hafa næsta kvennahittinginn í lok september og mun nánari dagsetning og staðsetning verða auglýst þegar nær dregur.
VEL HEPPNAÐUR OPINN FUNDUR MEÐ ÞORSTEINI OG ÓLAFI Í HAFNARSTRÆTINU
Á þriðjudaginn stóð Miðflokksfélag Reykjavíkur fyrir opnum fundi með þingmönnunum okkar þeim Ólafi Ísleifssyni og Þorsteini Sæmundssyni á skrifstofu flokksins að Hafnarstræti 20.
Líflegar umræður sköpuðust og var almenn ánægja með fundinn.
FRÉTTIR AF ÞINGINU
Á miðvikudaginn byrjaði svokallaður stubbur á Alþingi þar sem umræða um 3. orkupakkann hélt áfram. Umræður stóðu frá kl. 10:30-20:00 bæði miðvikudag og fimmtudag. Á mánudaginn verða svo atkvæðagreiðslur um 3. orkupakkann og byrja þær kl. 10:30.
Hér má sjá umræðuna í heild sinni frá miðvikudeginum.
Hér má sjá umræðuna í heild sinni frá fimmtudeginum.
Anna Kolbrún Árnadóttir óskaði eftir fundi í Velferðarnefnd til að ræða alvarlega stöðu Geðheilbrigðismála hér á landi. Fyrir nefndina komu fulltrúar frá Hugarafli og Geðhjálp ásamt fulltrúum frá geðsviði Landspítala. Heilbrigðisráðherra var einnig boðaður og mun hann mæta fyrir nefndina í fyrstu viku þinghalds.
GREINAR OG PISTLAR:
Þorsteinn Sæmundsson skrifaði greinina Vilji þjóðar, sem birtist í Morgunblaðinu þann 27. ágúst s.l.
Smellið hér til að lesa greinina hans Þorsteins.
Greinin, Hvers vegna trúi ég Arnari? eftir Önnu Kolbrúnu Árnadóttur, birtist í Bændablaðinu þann 29. agúst s.l.
Smellið hér til að lesa greinina hennar Önnu Kolbrúnu.
Birgir Þórarinsson var einnig með grein í Bændablaðinu þann 29. ágúst og nefnist sú grein Orkupakkar hækka raforkuverð.
Smellið hér til að leas greinina hans Birgis.
Sigmundur Davíð Gunnlaugsson var með grein í Morgunblaðinu í dag, 30. ágúst, sem nefnist ESB eyðir vafanum.
Smellið hér til að lesa greinina hans Sigmunds.