Fréttabréf Miðflokksins 27. september, 2019

27.09.2019

FRÉTTABRÉF MIÐFLOKKSINS

OPNUNARTÍMI SKRIFSTOFU MIÐFLOKKSINS

Vinsamlegast athugið breyttan opnunartíma í október

Skrifstofa Miðflokksins verður opin alla virka daga kl. 13:00 - 17:00 í október

Hafnarstræti 20, 2. hæð

Sími 555-4007

VIÐBURÐIR Á NÆSTUNNI:

OPINN FUNDUR UM VÍMUEFNAVANDANN - Laugardaginn 28. september

Á morgun, laugardaginn 28. september, kl. 10:00 - 12:00 stendur Miðflokksfélag Hafnarfjarðar fyrir opnum fundi um vímuefnavandann.

Gestur fundarins verður Þórarinn Tyrfingsson, fyrrverandi yfirlæknir á Vogi, og mun hann ræða um ástandið í vímuefnamálum og hvert hlutverk SÁÁ er í heilbrigðisþjónustunni.

Allir velkomnir!

Smellið hér til að sjá viðburðinn á facebook.

AFMÆLISFUNDUR Á AKUREYRI MEÐ SIGMUNDI DAVÍÐ OG ÖNNU KOLBRÚNU - Sunnudaginn 29. september

Í tilefni tveggja ára afmælis Miðflokksins boðar stjórn Miðflokksdeildar Akureyrar og nágrennis til opins fundar, sunnudaginn 29. september kl. 17:00 að Vitanum Mathúsi, Strandgötu 53 á Akureyri.

Sérstakir gestir verða þingmennirnir Sigmundur Davíð Gunnlaugsson og Anna Kolbrún Árnadóttir.

Boðið verður upp á léttar afmælisveitingar.

Allir hjartanlega velkomnir!

Smellið hér til að sjá viðburðinn á facbook.

MIÐFLOKKSKONUR HITTAST Á VEITINGAHÚSINU SKÓLABRÚ Í REYKJAVÍK - Miðvikudagur 2. október

Miðvikudaginn 2. október kl. 18:00, ætla Miðflokkskonur að hittast á veitingastaðnum Skólabrú, Pósthússtræti 17 í Reykjavík.

Hugmyndin er að borða kvöldmat saman, spjalla og eiga notalega kvöldstund saman. Pantað er borð fyrir 20 og því mikilvægt að allar láti vita um mætingu í síðasta lagi þann 30. september, svo hægt sé að gefa upp réttan fjölda. Hver og ein pantar sér mat að eigin ósk af matseðli.

Allar konur hjartanlega velkomnar!

Smellið hér til að sjá viðburðinn á facebook.

OPIÐ HÚS Á SKRIFSTOFU MIÐFLOKKSINS - Fimmtudaginn 3. október

Fimmtudaginn 3. október verður opið hús og vöfflukaffi á skrifstofu Miðflokksins að Hafnarstræti 20 (2. hæð).

Þorsteinn Sæmundsson, alþingismaður, verður til viðtals.

Fyrsta fimmtudag í hverjum mánuði verður einn alþingismaður Miðflokksins til viðtals.

Kaffi og rjúkandi vöfflur verða á boðstólnum.

Allir velkomnir.

NÝTT RÆÐUNÁMSKEIÐ MIÐFLOKKSINS HEFST 7. OKTÓBER

Gerumst ræðuskörungar!

Þann 7. október byrjar nýtt ræðunámskeið á vegum Miðflokksins, en færri komust að en vildu á fyrsta ræðunámskeiðið.

Námskeiðið er fyrir Miðflokksfélaga, þeim að kostnaðarlausu og að þessu sinni er námskeiðið opið báðum kynjum.

Námskeiðið byrjar mánudaginn 7. október kl. 19:30 og er í fimm skipti (mánudaga kl. 19:30) á skrifstofu flokksins að Hafnarstræti 20 (2. hæð).

Leiðbeinandi er sem fyrr, Kristján Hall.

Vinsamlegast skráið ykkur með því að senda póst á netfangið skrifstofa@midflokkurinn.is

Sigmundur Davíð kom við á Sjávarútvegssýningunni í Laugardalshöll í gær og kynnti sér nýjustu tæknina í útgerð og vinnslu fiskafurða sem hefur fleytt íslenskum sjávarútveg í fremstu röð. Hér eru nokkrar myndir frá heimsókninni.

FRÉTTIR AF ÞINGINU:

Þingfundir voru fjóra daga í þessari viku. Þingmenn okkar tóku þátt í óundirbúnum fyrirspurnartíma og störfum þingsins. Karl Gauti Hjaltason var málshefjandi í sérstakri umræðu og þingmenn Miðflokksins töluðu fyrir þremur málum; en það voru þeir Sigurður Páll Jónsson, Þorsteinn Sæmundsson og Birgir Þórarinsson.

Bergþór Ólason tók þátt í óundirbúnum fyrirspurnartíma og spurði þar samgöngu- og sveitarstjórnarráðherra um samgöngur á höfuðborgarsvæðinu.

Fyrirspurnina má sjá í heild sinni með því að smella hér.

Sigmundur Davíð Gunnlaugsson tók einnig þátt í óundirbúnum fyrirspurnartíma og spurði þar fjármála- og efnahagsráðherra um kynningu og fjármögnun samgönguframkvæmda.

Fyrirspurnina má sjá í heild sinni með því að smella hér.

Í störfum þingsins tóku þátt þau Sigurður Páll Jónsson, Þorsteinn Sæmundsson, Karl Gauti Hjaltason, Anna Kolbrún Árnadóttir og Bergþór Ólason.

Sigurður Páll Jónsson ræddi um verndun gamalla skipa og báta.

Þorsteinn Sæmundsson ræddi um vanda lögreglunnar.

Karl Gauti Hjaltason ræddi um ríkislögreglustjóra.

Anna Kolbrún Árnadóttir ræddi um ferð til Akureyrar með allsherjar- og menntamálanefnd.

Bergþór Ólason ræddi um samkomulag um uppbyggingu á samgöngum á höfuðborgarsvæðinu sem umhverfis- og samgöngunefnd fékk ekki að sjá.

Karl Gauti Hjaltason var málshefjandi í sérstakri umræðu um atvinnuþátttöku 50 ára og eldri. Sigurður Páll Jónsson tók einnig þátt í þeirri umræðu.

Umræðuna má sjá í heild sinni hér.

Sigurður Páll Jónsson talaði fyrir þingsályktunartillögu sinni um auðlindir og auðlindagjöld. Eftir fyrri umræðu fór tillagan til efnahags- og viðskiptanefndar.

Umræðuna má sjá í heild sinni hér.

Þingsályktunartillöguna má lesa hér.

Þorsteinn Sæmundsson talaði fyrir frumvarpi sínu um réttindi og skyldur starfsmanna ríkisins (hækkun starfslokaaldurs). Eftir fyrstu umræðu fór frumvarpið til efnahags- og viðskiptanefndar.

Umræðuna má sjá í heild sinni hér.

Frumvarpið má lesa hér.

Birgir Þórarinnson talaði fyrir frumvarpi sínu um jarðalög (forkaupsrétt sveitarfélaga). Eftir fyrstu umræðu fór frumvarpið til umhverfis- og samgöngunefndar.

Umræðuna má sjá í heild sinni hér.

Frumvarpið má lesa hér.

GREINAR OG PISTLAR:

Grein eftir Þorgrím Sigmundsson, varaþingmann Miðflokksins í norðaustur kjördæmi sem birtist í Morgunblaðinu þann 26. september, 2019.

Stimplum og flokkum

Fréttabréf Miðflokksins 27. september, 2019