Niðurstaða liggur nú fyrir í ráðgefandi oddvitakjöri Reykjavíkurkjördæmis suður sem fram fór föstudaginn 23. júlí og laugardaginn 24. júlí.
Tveir gáfu kost á sér í oddvitasætið, þau Fjóla Hrund Björnsdóttir, framkvæmdastjóri þingflokks Miðflokksins og Þorsteinn Sæmundsson, þingmaður Miðflokksins í Reykjavík suður.
Fjóla Hrund hafði betur í oddvitakjörinu, en hún hlaut 58% greiddra atkvæða, en hlaut Þorsteinn 42% greiddra atkvæða. Kjörsókn var 90%.
Niðurstöðurnar hafa verið sendar uppstillingarnefnd kjördæmisins og verður framboðslisti lagður fyrir félagsfund Miðflokksfélags Reykjavíkurkjördæmis suður, þar sem greidd verða atkvæði um listann.
Félagsfundur kjördæmisins verður haldinn mánudaginn 26. júlí kl. 20:00 í Hamraborg 1 og samtímis á Zoom.